Əgər gecə yuxunuzda partnyorunuzla sevişmək üçün yer axtardığınızı görmüsünüzsə, bilin ki, aranızda ünsiyyət problemi var.

Belə yuxular görənlər partnyorları ilə daha çox vaxt keçirməyə, onları dinləyib problemləri danışaraq həll etməyə can atmalıdırlar.

İnsanların çox olduğu bir yerdə (ev xaricindəki bütün məkanlar daxildir) sekslə məşğul olduğunuzu görmək, seks fantaziyaları qurduğunuzu göstərmir. Bu yuxu daha çox utanmaq və digər mənfi duyğularla əlaqəlidir.

Belə yuxu yaxın vaxtlarda utanmağınıza səbəb olan bir hadisə ilə üzləşdiyinizi və bunun fəsadlarının şüuraltında hələ də hiss edildiyini bildirir.

Yuxuda məşhur bir ulduzla sevişdiyini görmək, real həyatda diqqət mərkəzində olmağı arzuladığınızdan xəbər verir.

Sekslə bağlı ən çox görülən yuxuların bir növü də köhnə sevgililərlə əlaqədar olanlardır.

Bu yuxular heç də keçmiş sevgiliniz üçün darıxdığınızın işarəti deyil. Həmin yuxular zehninizin kiçik xatırlatma bölmələrini hərəkətə keçirən kiçik hadisələrdən qaynaqlana bilər. Məsələn, “Facebook”da onunla əlaqədar bir paylaşma görmək ya da ad günü tarixinin yaxınlaşdığını xatırlamaq şüuraltına təsir edir və köhnə sevgilinizin yuxunuza girməsinə səbəb olar. Həmçinin hazırda birlikdə olduğunuz şəxslə problemlər yaşamaq da sizə keçmiş sevgilinizi xatırlada bilər. Şüuraltında yaranan keçmişlə indiki vəziyyəti müqayisə nəticəsində keçmiş sevgiliniz yuxunuza qonaq ola bilər.